Estas imaxes que estades a ver son a primicia do que vai a ser a grande escultura sobre A PENSADORA, baseada no "Pensador" de Rodin. Vai quedar, seguramente, no segundo andar, no espazo entre as dúas escaleiras, e será una figura femenina sentada (ao modo do Pensador), que, de estar en pé, mediría uns tres metros e medio.
A gran obra está a ser feita con material de refugallo, vellos libros de texto que foron quedando de anos pasados, e cos que se fixo, non só a estrutura, senón tamén (farase) o exterior, o envolvemento co que será rematada a peza.
A estrutura fíxose a base de bolas de papel, feitas coas páxinas do libro, xuntándolas en liñas, e "atando" estas liñas en feixes, segundo a lonxitude e espesor que se precise para cada parte.
Non se ensamblará todo ata que estea no seu emprazamento definitivo, e alí será definitivamente reforzada e rematada.
Os alumnos repartiron o traballo dun xeito moi especializado, temos dende os nosos "bolistas profesionais", Iván Sueiro, Daniel Suárez e Santi, ata os que van dando forma as diferentes partes da peza: Laura Rivero, María Villamor, Diego, Ariadna, etc...
O resultado promete ser impoñente...
No hay comentarios:
Publicar un comentario