POP ART ICONS EN OURENSE

O pasado 7 de febreiro fixemos unha agradable visita a Ourense, para ver a mostra POP ART ICONS, unha exposición dalgúns dos históricos do Pop Art americano.

Aquí podedes ver o cartel, e unha foto da visita (en breve haberá máis), na que a guía fixo unha breve ainda que interesante explicación histórica sobre este movemento, e a súa influencia na cultura popular da segunda metade do século XX e no XXI.

Aproveitamos para visitar a Escola de Arte Antonio Faílde, unha escola de moito interese para os estradenses, xa que a súa especialidade raiña (aínda que ten outras moi interesantes) é DESEÑO DO MOBLE.

O seu director, César Taboada, e todo o personal da Escola foron moi amables con nós, abríronnos os talleres...e déronnos moita, moita envexa. Pero as portas da EASD están abertas para os nosos alumnos que queran formarse alí, a beira do Miño, nesta bonita cidade, que deixamos despóis de facer a obrigada visita as Burgas e salpicarnos un pouco os uns aos outros...

Ata outra, Ourense!!!

Imaxen do CUT OUT de Marilyn que nos deron como agasallo no centro cultural MARCOS VALCÁRCEL...

E xa que falamos de DESEÑO, aquí unhas imaxes dun deses museos dos que non se fala moito, pero que é unha visita enormemente interesante e da que se pode aprender moitísimo: O Museo do Deseño de Barcelona. Un dos centros expositivos máis noviños da sempre sorprendente capital de Cataluña, emprazado na zona "nova" que xurdeu ao rematar o "Forum", xunto a Torre Agbar.

Se ides por BCN, non dudedes en visitalo !!!

Morre o pintor POP Gerald Laing

Gerald Laing, artista POP británico, morreu hoxe aos 75 anos, tras unha enfermidade.

Este pintor tiña como fonte de inspiración, do mesmo xeito que outros artistas representativos do POP ART, os iconos da vida cultural e social, personaxes famosos e símbolos da vida de glamour e celebridade.

Sin embargo, a súa obra non estivo exenta dunha óptica crítica socialmente comprometida, como na súa serie de pinturas sobre a guerra de Irak, na que o seu país foi un triste protagonista.

Entre as imaxes da súa obra podemos ver algunhas das da serie que adicou a que as torturas do exército aliado en Abu Ghraib non quedasen nunca no olvido, facendo ademáis unha dura e mordaz sátira sobre os exércitos de ocupación americano e británico.

As súas obras teñen explíctas referencias aos medios de representación de imaxes en serie (tramas de prensa, iconos do hedonismo e da cultura popular, imaxes de ídolos de masas...)

A súa musa máis recurrente foi a recentemente falecida Amy Winehouse, e outras como Victoria Beckham

Neste enlace podes botar un vistazo a súa interesante obra, que ten moitas cousas en común con outros artistas do arte pop, tanto americano (Andy Warhol, Roy Lichtenstein), como británico (David Hockney, Jim Dine)