O día 24 de abril, mércores, os alumnos de Bacharelato de artes do IES Manuel García Barros, presentes e futuros (+ 4 alumnos de 4º ESO), visitarán a histórica Escola de Artes e Superior de Deseño Mestre Mateo, en Santiago, que celebra as súas XORNADAS DE PORTAS ABERTAS, con talleres abertos ao público nos que se poderá participar activamente.
A visita a Santiago servirá tamén para achegarse á empresa ESCENOSET, adicada á arquitectura efímera, precisamente unha das especialidades da Escola.
Tamén visitaremos a exposición de pinturas que X. Méndez, o creador de Escenoset, ten no Pazo de Fonsea, titulada Retratos con Alegoría.
